BSP nagbawas ng borrowing interest rate

Binawasan ng Bangko Sentral ng Pilipinas (BSP) ang kanilang borrowing interest rate sa .25 percent kasunod ng mababang inflation rate sa bansa.

Ayon sa Monetary Board ng BSP, ibinaba nila ang interest sa 4.25 percent mula sa 4.50 percent na idinedeposito ng mga banko.

Batay ito sa assessment ng ahensya kung saan nakita na bumaba ang mga bilihin sa pandaigdigang merkado.

Bunsod din ito ng paghina ng ekonomiya sa malalaking bansa at ang pawala ng epekto ng El Niño sa mga bilihin.

Ayon sa pinakahuling tala ng BSP, 2 hanggang 4 porysento pa rin ang target ng pamahalaan na inflation rate.

Naniniwala naman ang BSP na makatutulong ang pagbaba ng interest rate sa papapasigla ng ekonomiya ng bansa.