Cebu dancing inmates tampok sa isang docu-series sa Netflix

Tampok sa isang documentary series na mapapanood sa Netflix ang sikat na dancing inmates ng Cebu Provincial Detention and Rehabilitation center.

Ipapakita sa five-part docu-series kung paano naging parte ng buhay ng mga bilanggo ang pagsasayaw dahilan para sila ay makilala at maging viral sa social media ang video ng kanilang pagsasayaw.

Taong 2007 ng mag-viral ang video ng pagsasayaw nila sa kantang “Thriller” ni Michael Jackson.

Ang docu-series ay pinamagatang “Happy Jail” sa direksyon ng Emmy Award winner na si Michele Josue at mapapanood simula sa August 14.

Ang Netflix ang nangungunang internet entertainment service at mayroong 151-million membership worldwide.