Quezon at Davao Occidental niyanig ng lindol

Naitala ang mga pagyanig sa Quezon at Davao Occidental Huwebes ng madaling araw.

Ayon sa Phivolcs, alas-12:42 nang tumama ang magnitude 3.5 na lindol sa Quezon.

Ang episentro ng pagyanig ay sa layong 15 kilometro Timog-Silangan ng bayan ng Real.

May lalim ang pagyanig na tatlong kilometro.

Naitala ang Instrumental Intensity I sa Mauban, Quezon.

Ala-1:51 naman ay yumanig ang magnitude 3.1 na lindol sa Davao Occidental.

Ang episentro ng lindol ay sa layong apat na kilometro Hilagang-Kanluran ng Jose Abad Santos.

May lalim naman ang pagyanig na 33 kilometro.

Tectonic ang dahilan ng mga pagyanig na hindi naman nagdulot ng pinsala sa mga ari-arian.

Wala ring inaasahang aftershocks ayon sa Phivolcs.