Inihayag ng Department of Health (DOH) na hindi sagot ang pagbibigay ng Dengvaxia vaccine sa lumolobong bilang ng sakit na dengue.
Sa isang panayam, sinabi ni Health Undersecretary Eric Domingo na hindi ito epektibo sa lahat ng tao.
Dapat lamang aniyang ibigay ang naturang bakuna sa mga bata na tinamaan na ng dengue noon.
Idineklara ng kagawaran ang national dengue epidemic sa bansa, araw ng Martes.
Sa pinakahuling tala, sinabi ni Health Secretary Francisco Duque III na nasa kabuuang 142 thousand 62 na kaso ng dengue ang naitala muna Enero hanggang Hulyo 20.
Sa nasabing bilang 622 rito ay nasawi.
MOST READ
LATEST STORIES