Heavy rainfall warning itinaas ng PAGASA sa Occ. Mindoro at maraming lugar sa Palawan

Inuulan pa rin ang Palawan at ang Occidental Mindoro dahil sa Habagat na pinalalakas ng bagyong Hanna.

Sa 8:00AM rainfall warning ng PAGASA, nakataas ang yellow warning level sa Occidental Mindoro at sa mga bayan ng Busuanga, Coron, Culion, Linapacan, El Nido, Taytay, Aracelli, Dumaran, San Vicente, Roxas, Agutaya, Cuyo, at Magsaysay sa Palawan.

Babala ng PAGASA maaring makaranas ng pagbaha at landslide dahil sa tuluy-tuloy na pag-ulan.

Pinayuhan ang mga residente na maging alerto at mag-antabay sa mga ipinalalabas na abiso ng weather bureau. (END/DD)