Hindi pa gaanong mabenta ang mga bilog na prutas na karaniwang inihahanda ng mga pamilyang Pilipino kapag sinasalubong ang Bagong Taon.
Sa kanto ng Abad Santos sa Divisoria Maynila, tumpok-tumpok ang bentahan ng mga bilog na prutas.
Sa ngayon hindi pa gaanong mahal ang presyuhan ng prutas.
Ang peras ay ibinebenta ng P50 kada apat na piraso, P100 naman ang bawat limang piraso ng maliliit na persimmon at tatlong piraso naman kapag malalaki, ang ubas na semi-seedles ay P140 ang kada kilo, P50 kada balot naman ng ponkan na may pitong laman at P35 naman ang kada pack ng kiat-kiat.
Ayon kay Alvin, isa sa mga may pwesto ng kariton sa kanto ng Abad Santos, wala pang masyadong bumibili ng prutas.
Pero bukas aniya, December 29, inaasahang mas dadagsa na ang mga mamimili ng prutas.
Tradisyon na ng mga pamilyang Pilipino na naghahanda ng 13 klase ng bilog na prutas sa pagsalubong ng Bagong Taon.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.