4 arestado sa buy-bust sa Antipolo; P1M halaga ng shabu nakumpiska
Arestado ang apat na katao sa ikinasang buy-bust operation ng mga otoridad sa Antipolo City.
Ikinasa ng mga tauhan ng Drug Enforcement team ng Antipolo City police ang operasyon sa Barangay San Luis.
Nadakip sa operasyon ang mga suspek na sina Mark Marquez, Narcel Clasara, Jonathan Sta. Teresita at si Ricardo Clasara.
Nakuha sa mga suspek ang 11 plastic sachet na naglalaman ng hinihinalang shabu na 124.23 grams ang bigat.
Ayon sa mga otoridad tinatayang aabot sa P1 million ang halaga nito.
Mahaharap ang apat sa kasong paglabag sa Comprehensive Dangerous Drugs Act of 2002.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.