LOOK: Dalawang Chinese arestado sa reckless driving at panunuhol sa mga pulis sa Maynila
Arestado ang dalawang Chinese nationals matapos tangkang suhulan ang mga pulis ng Sampaloc Police Station sa Maynila makaraan silang hulihin dahil sa reckless driving.
Nagpapatrulya sa lugar si Pol. Cpl. Mike Purisima at isa pa niyang kasamang pulis nang makita ang kotse na mabilis ang patakbo at paliko-liko.
Nang parahin ay hindi pa huminto ang kotse kaya hinabol pa ito ng mga pulis.
Nang huhulihin na, naglabas ng pera ang babaeng driver ng kotse na nagkakalahaga ng mahigit P4,000.
Isa pang Chinese na lalaki naman ang sakay din ng kotse.
Kinilala ang dalawa na sina Bae Lu, 29-anyos at Jason Lim, 30-anyos.
Ayon sa mga pulis, kapwa nakainom ang dalawa na napag-alamang magkasintahan.
Ayon kay Police Captain Edwin Fuggan, Lacson PCP Commander, mga kasong reckless driving, driving under the influence o drunk driving, corruption of public officer dahil sa panunuhol at driving without license ang isasampa sa dalawa.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.