Singil sa kuryente asahang bababa ngayong Agosto

Posibleng magkaroon ng bawas-singil sa kuryente ngayong Agosto ang Manila Electric Company (Meralco).

Ayon kay Meralco spokesperson Joe Zaldarriaga, nagmura ang presyo ng kuryente sa spot market kasabay ng paghina ng demand at maayos na reserba ng kuryente na posibleng magdulot ng pagbaba ng electricity rate.

Bukod dito, lumakas din ang piso kontra dolyar na lalo pang magpapababa sa August bill.

Ayon kay Meralco utility economics head Larry Fernandez, dolyar ang ginagamit na pambili ng mga planta sa gasolina kaya malaking tulong kapag lumalakas ang piso.