Pito sugatan sa pagbagsak ng US fighter jet malapit sa Death Valle park sa California

Sugatan ang pitong katao na namamasyal lamang sa Death Valley National Park sa California matapos mabagsakan ng debris ng sumabog na US figher jet.

Nagtamo ng minor injuries gaya ng mga paso at sugat sa katawan ang mga biktima na noon ay namamasyal lang sa parke.

Nag-crash ang US Navy fighter jet malapit sa Death Valley park at hindi pa tukoy kung ano ang kondisyon ng piloto nito.

Ang bumagsak na eroplano ay isang single-seat F/A-18 Super Hornet na noon ay nasa routine training mission.

Ayon kay Lt. Cmdr. Lydia Bock, tagapagsalita ng Naval Air Station Lemoore, pinaghahanap na ang piloto.

Ang mga nasugatan naman ay agad dinala sa pagamutan para magamot dahil sa paso at sugat na natamo nila sa bumagsag na fragments at debris mula sa eroplano.

TAGS: California, Radyo Inquirer, US Fighter Jet, California, Radyo Inquirer, US Fighter Jet