Babaeng tulak ng droga arestado sa Talisay City, Cebu; P340,000 halaga ng shabu, nakumpiska
Arestado ang isang babaeng tulak ng droga sa ikinasang buy-bust operation sa Talisay City, Cebu Miyerkules ng hapon.
Nakilala ni Lt. Col. Marlu Conag mula sa Cebu Provincial Police Office (CPPO) ang suspek na si April Villaries, 34-anyos na mayroong pitong anak.
Nakuha kay Villaries ang P50,000 buy-bust money na ginamit sa pagbili ng 25 gramo ng ilegal na droga sa kaniya sa bahagi ng Barangay Lawaan 3 pasado 5:00 ng hapon.
Ayon sa pulisya, nagkakahalaga ang nakumpiskang ilegal na droga ng P340,000.
Sinabi ni Conag na ang pagkakahuli sa suspek ay bunga ng kanilang follow-up operation matapos ituro ng isang drug personality na si Villarias ang supplier nito ng ilegal na droga.
Mahaharap ang suspek sa kasong paglabag sa Republic Act 9165 o Comprehensive Dangerous Drugs Act of 2002.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.