China, nag-abot ng P10M na tulong para sa mga biktima ng lindol sa Batanes

Nagpaabot ng P10 milyong tulong-pinansyal ang pamahalaan ng China sa mga biktima ng pagyanig sa Itbayat, Batanes.

Ang donasyon ay ilalaan para sa rehabilitasyon ng mga naapektuhan sa lugar.

Nagpaabot naman ng pakikiramay ang gobyerno ng China sa mga pamilyang nawalan ng mahal sa buhay dahil sa lindol.

Ito na ang ikalawang pagkakataon na nag-abot ang naturang bansa ng tulong sa mga nasalanta ng lindol sa Pilipinas ngayong taon.

Matatandaang niyanig ng magkasunod na magnitude 5.4 at 5.9 na lindol ang Batanes noong araw ng Sabado, July 27.