Sa inilabas na pahayag ni Communications Sec. Herminio Coloma Jr. sa Inquirer, patuloy ang pamahalaan sa pagsisikap na mas mapabuti ang MRT3 at ang mga pampublikong transportasyon.
Bukod dito, ipinunto pa ni Coloma na sa ilalim ng administrasyong Aquino, naaksyunan ang mga kaso ng katiwalian.
Ito ay matapos batikusin ng business consultant na si Peter Wallace ang kakayahan ng administrasyon na pamahalaan ang mass transport systems sa bansa, dahil sa madalas na pagkasira ng MRT3
Ayon naman sa Department of Transportation and Communications (DOTC), makakaranas na ng mas magaan at maayos na serbisyo ang mga pasahero, dahil simula January 5, 2016, pupunan na ng nanalong concessionaire ang general maintenance requirements ng MRT3 sa loob ng tatlong taon.
Kasama rin anila sa P3.81 bilyong halaga ng kontrata ang general overhaul ng mga tren at pagpapalit ng signaling system.