Heavy rainfall warning nakataas sa Bataan at Zambales

Nakataas pa rin ang heavy rainfall warning sa ilang bahagi ng Zambales at Bataan dahil sa pag-ulang dulot ng Habagat.

Sa 5AM rainfall warning ng PAGASA, nakataas ang yellow warning sa mga bayan ng Subic, Castillejos, San Antonio, San Narciso, San Marcelino, San Felipe at Olongapo sa Zambales gayundin sa buong lalawigan ng Bataan.

Ayon sa PAGASA, ang mga mabababang lugar ay maaring makaranas ng pagbaha.

Habang mahina hanggang sa katamtamang pag-ulan naman ang nararanasan sa Cavite at Batangas.

Ganito rin ang lagay ng panahon sa Tarlac, Pampanga at nalalabi pang bahagi ng Zambales.