Ipinagtanggol si Pangulong Duterte ng dalawang kaalyado nito sa Senado sa ginawang pagpapatigil sa operasyon ng PCSO.
Ayon kay Sen. Christopher Go ang ginawa ni Pangulong Duterte ay para sa interes ng sambayanan at aniya nitong nadedehado ang gobyerno dahil sa mga katiwalian.
Aniya pansamantala lang naman ang pagtigil ng operasyon ng PCSO hanggang malinawan na ang lahat sa pamamagitan ng imbestigasyon.
Pagtitiyak naman nito, hindi maapektuhan ang mga Malasakit Centers dahil aniya napaglaanan na ang mga ito ng pondo ng PCSO noon pang nakaraang taon.
Samantala, sinabi naman ni Sen. Manuel Lapid malawak ang intelligence network ng pangulo kayat alam niya ang mga anomalya sa mga laro ng PCSO.
Aniya sa halip na batikusin ay dapat pang hangaan si Pangulong Duterte sa pag-amin sa katiwalian sa PCSO at planong papanagutin ang mga tiwali sa naturang ahensya.