Pag-veto sa Security of Tenure Bill, ipinagtanggol ni Pangulong Duterte
Dumepensa si Pangulong Rodrigo Duterte sa kanyang pag-veto sa Security of Tenure (SOT) Bill.
Sa situation briefing sa Batanes araw ng Linggo, sinabi ng pangulo na dapat ay magkaroon din ng seguridad ang employers laban sa mga tamad at hindi marunong na manggagawa.
“‘Yung endo, security of tenure. Dapat sinunod nila ‘yung usapan. Do not make it hard for the capitalist also to move,” ayon sa pangulo.
Iginiit ni Duterte na sa ilalim ng demokrasya, dapat maisaalang-alang ang pantay na karapatan para sa mga namumuhunan at empleyado.
“The security of tenure should also provide the security of the capital…It should not be na kasi mahirap sila bigyan sila. Demokrasya ito. Diretso, tabla, tabla talaga,” dagdag ng pangulo.
Ang SOT bill na una nang sinertipikahang urgent ng pangulo ay na-veto sa gitna ng pangambang magsara ang mga negosyo at marami ang mawalan ng trabaho sakaling tuluyang ipagbawal ang labor-only contracting.
Plano ng pangulo na muling isumite ang panukala ngunit babalansehin ang karapatan ng employers at ng mga manggagawa.
“I might resubmit it but let me just introduce something that would level off th Kung pipilitin mo na, pangit naman kasi. May trabaho, may tamad. May ganun. May absenero. Kapag pinaalis mo tapos pupunta sa NLRC (National Labor Relations Commission) to go back to work, hindi maganda… But the fact is kung itong tao is indolent, tamad, hindi marunong at saka walang IQ and then you are now saddled with one or two employees na kung tanggalin ko, he will go to arbiter sa NLRC, then they will be facing cases instead of helping his fellowmen, siya naman magkaproblema and it has happened many times,” dagdag ng pangulo.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.