DFA, tutulungan ang mga Pinoy na nasa Israel

Magaabot ng tulong ang embahada ng Pilipinas sa Israel para sa mga Pilipinong matagal ng nananatili sa Israel.

Ayon sa Department of Foreign Affairs (DFA), tinitignan na nila ang pangangailangan ng mga Overseas Filipino Workers (OFW) at kanilang mga anak na nakatakdang i-deport mula sa bansa.

Ang deportation sa mga OFW at mga pamilya ay dulot ng overstaying at iba pang paglabag sa batas sa naturang bansa.

Sinabi rin ng DFA na ang embahada sa Tel Aviv ay nakikipagugnayan na sa Israel upang maayos na makauwi ang mga Pinoy sa Pilipinas.