Kakulangan sa ensayo ng mga manlalaro ng Gilas Pilipinas, hindi ikinakabahala ni Coach Yeng Guiao

Mas pinahigpit na paghahanda ang isinasagawa ngayon ni Gilas Pilipinas coach Yeng Guiao para sa darating na 2019 FIBA Basketball World Cup.

Ito ay dahil sa kakulangan niya sa mga manlalaro dahil sa kasalukuyang isinasagawang PBA Commissioner semifinals.

Gayunpaman, siniguro parin ng mga PBA players na sila ay patuloy na makikiisa sa mga pag eensayo.

Una nang sinabi ni Guiao na aaraw-arawin na nila ang pag eensayo mula sa susunod na Linggo upang lubos na makapaghanda sa nasabing prestihiyosong torneyo na magsisimula na sa susunod na buwan.