Militar bibili ng mga dagdag na armas sa Europe
Nakatakdang bumisita si Defense Secretary Delfin Lorenzana sa Europa sa buwan ng Setyembre.
Ayon kay Lorenzana, ilan sa mga pupuntahan niyang bansa ay ang France, Spain, Portugal, United Kingdom at Czech Republic.
Base aniya ito sa imbitasyon ng mga nasabing bansa para ipakita ang kanilang defense equipment na maaaring makatulong sa pagpapalakas ng pwersa ng militar.
Sinabi pa ng kalihim na inaalok ng France sa Pilipinas ang kanilang submarine habang ang Portugal at Spain naman ay mga barko.
Samantala, mga baril at iba pang armas ang alok ng Czech Republic habang iba pang military equipment naman ang alok ng United Kingdom.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.