Menor de edad na notoryus sa pagnanakaw ng bisikleta sa Antipolo, arestado

By Dona Dominguez-Cargullo July 25, 2019 - 07:54 AM

Naaresto ang isang lalaking menor de edad na notoryus sa pagnanakaw ng mga bisikleta sa Antipolo City.

Ayon kay Police Lt. Col. Alvin Consolacion, hepe ng Antipolo City Police, nahuli nila ang suspek sa ikinasang buy-bust operation.

Sinabi ni Consolacion na maliban sa pagnanakaw ng bisikleta ay sangkot din sa iba pang petty crimes ang suspek.

Nakita ang suspek sa CCTV habang tangkang ninanakaw ang isang bisikleta sa loob ng subdivision.

Ayon kay Consolacion, ang ninanakaw na bisikleta ay ibinebenta ng suspek para ipambili naman ng ilegal na droga.

Dahil nagpakilalang menor de edad ay dinala muna sa Department of Social Welfare and Development (DSWD) ang suspek.

Pero ayon sa pulisya isasailalim nila ito sa dental examination para malaman ang kaniyang tunay na edad.

TAGS: Antipolo, buy bust, theft, Antipolo, buy bust, theft

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.