SWS: Satisfaction ratings ng Senado, Kamara, SC at Gabinete tumaas
Mas maraming Filipino ang nasisiyahan sa performance ng apat na institusyon ng pamahalaan ayon sa resulta ng survey ng Social Weather Station (SWS) nitong Hunyo.
Nanatiling ‘very good’ ang satisfaction rating ng Senado makaraang bahagyang tumaas sa +63 nitong Hunyo mula sa +62 noong Marso.
Record-high naman ang Kamara at nanatili sa ‘good’ sa +48 na satisfaction rating nitong Hunyo mula sa +47 noong Marso.
Malaki-laki ang itinaas ng satisfaction rating ng Korte Suprema na record-high din at nasa klasipikasyong ‘very good’ matapos makapagtala ng +54 nitong Hunyo mula sa +50 noong Marso.
Ag Gabinete naman ni Pangulong Rodrigo Duterte ay tumalon mula sa ‘good’ patungong ‘very good’ matapos maitala ang record-high +51 na satisfaction rating nitong Hunyo kumpara sa +44 noong Marso.
Ang SWS survey ay isinagawa noong June 22 haggang 26 sa pamamagitan ng face-to-face interviews sa 1,200 Filipino adults sa buong bansa.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.