“Bathroom bill’ sa North Carolina, aprubado na ng U.S. court
Aprubado na ng U.S. court ang ‘Bathroom bill’ na halos tatlong taon nang isinusulong at pinaglalaban ng mga transgender sa North Carolina.
Ang naturang panukala ay nagbibigay ng karapatan sa mga transgender na gumamit ng kahit anong pampublikong palikuran o banyo ayon sa kanilang gender identity.
Ayon sa pahayag ng acting legal director American Civil Liberties Union of North Carolina na si Irene Como, ang rights to equal protection ng bawat mamamayan na nakapaloob sa ilalim ng U.S Constitution ay nilalabag umano ng 2016 North Carolina law o House Bill 2 kung saan ay nire-require ang lahat ng mamamayan ng nasabing bansa na gumamit lamang ng banyo o palikuran ng naaayon sa kanilang gender identity na nakasaad sa kanilang mga birth certificate.
Dagdag ni Como, ay magpapatuloy na ipaglaban ng kanilang grupo ang karapatan ng bawat isa hangga’t may mga miyembro ng LGBT community na naagrabyado at hindi nabibigyan ng kaukulang proteksyon laban sa karahasan at diskriminasyon dahil sa kanilang kasarian.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.