3 magkakahiwalay na pagyanig naitala sa Romblon, Davao Occidental at Surigao del Norte

Naitala ang mga pagyanig sa mga lalawigan ng Romblon, Davao Occidental at Surigao del Norte simula kagabi.

Ayon sa Phivolcs, alas-9:54 Martes ng gabi nang tumama ang magnitude 3.5 na lindol sa layong anim na kilometro Timog-Silangan ng San Jose, Romblon.

May lalim ang pagyanig na siyam na kilometro.

Naramdaman ang Intensity IV sa Malay, Aklan.

Alas-12:06 naman kaninang hatinggabi, magnitude 3.4 na lindol ang yumanig sa layong 146 kilometro Timog-Silangan ng Jose Abad Santos, Davao Occidental.

May lalim ang naturang pagyanig na 25 kilometro.

Samantala, magnitude 3.2 na lindol ang naitala ala-1:54 ng madaling araw sa layong 18 kilometro Hilagang-Silangan ng Burgos, Surigao del Norte.

May lalim ang lindol na 20 kilometro.

Tectonic ang pinagmulan ng mga pagyanig na hindi naman nagdulot ng pinsala sa mga ari-arian at wala ring inaasahang aftershocks.