Pagkamatay ng lalaking nakasabit sa tulay sa Talisay, Cebu iimbestigahan ng CHR

Sinimulan na ng Commission on Human Rights (CHR) ang imbestigasyon sa pagpatay sa lalaking natagpuang nakasabit sa isang tulay sa Talisay City, Cebu.

Ayon kay Atty. Jacqueline de Guia, tagapagsalita ng CHR, nagpadala na ang CHR Region 7 ng Quick Response Team para imbestigahan at tutukan ang kaso.

Kinondena ng ahensya ang aniya’y brutal na pagpatay na nagresulta sa kawalan ng karapatang mabuhay at due process sa biktima.

Matatandaang sinabi ng Talisay City Police Station na mayroong tama ng bala sa katawan at nakabalot ng karton ang mukha ng biktimang si Reynante Otero.