Oil price rollback epektibo na

Epektibo na ang kakarampot na bawas-presyo sa mga produktong petrolyo matapos ang limang sunud-sunod na linggong price hike.

Lahat ng kumpanya ng langis ay may bawas na P0.25 sa presyo ng kada litro ng gasolina at P0.20 sa presyo ng kada litro ng diesel

Ang Petron naman, Flying V, Shell at Caltex ay may rollback na P0.40 sa presyo ng kada litro ng kerosene o gaas.

Una nang nagpatupad ng bawas-presyo para lang sa gasolina ang Seaoil alas-6:00 ng umaga kahapon, July 22.

Epektibo naman alas-12:01 ng hatinggabi ngayong Martes, ang rollback ng Cleanfuel at Caltex.

Ang natitirang mga kumpanya ng langis ay magpapatupad ng rollback mamayang alas-6:00 ng umaga.