‘The Lion King’ nanguna sa US box office; kumita ng $185 million sa unang 3 araw

Dinomina ng ‘The Lion King’ ang US box office charts at kumita na ng $185 million sa unang tatlong araw.

Dahil sa nasabing halaga ng kita sa debut ng pelikula, pumangalawa ang ‘The Lion King’ sa best-domestic debut kasunod ng ‘Avengers: Endgame’ na $357 million ang kinita.

Sa buong mundo, umabot sa $531 million ang kinita ng pelikula ng Disney, kasama ang $98 million sa China matapos na magbukas doon ang ‘The Lion King’ nitong weekend.

Pumangalawa sa US box office ang “Spider-Man: Far From Home” na may kinitang $12 million at ikatlo ang ‘Toy Story 4’ na $14 million ang kita.