Dalawang residente ang sugatan matapos sumiklab ang sunog sa Sulu Street cor. San Lazaro Street, Sta. Cruz, Maynila pasado alas-10:00 Linggo ng gabi.
Ayon kay Sampaloc Fire Station chief Fire Sr. Insp. Hector Agadulin, limang bahay ang nasunog kung saan tatlo ang natupok nang buo at partially damaged naman ang dalawa pa.
Umabot sa ikalawang alarma ang sunog.
Nahirapan ang mga bumbero na pasukin ang lugar dahil bukod sa masikip na kalsada ay marami pang sasakyan ang iligal na nakaparada.
Patuloy na iniimbestigahan ang sanhi ng sunog at ang kabuuang halaga ng pinsala sa ari-arian.
MOST READ
LATEST STORIES