Talumpati ni Duterte sa ikaapat na SONA, posibleng hindi tumagal ng higit isang oras – Andanar

Inaasahang magiging maiksi ang ikaapat na State of the Nation Address (SONA) ni Pangulong Rodrigo Duterte sa Lunes, July 22.

Sa isang panayam, sinabi ni Presidential Communications Operations Office (PCOO) Secretary Martin Andanar na pinili ng pangulo na basahin lamang ang kaniyang talumpati.

Nais din aniya ng pangulo na iwasan ang pagdadagdag ng ad-lib sa kaniyang talumpati.

Base sa pagsasanay ng pangulo noong Biyernes, sinabi ni Andanar na tumagal ang talumpati nang 45 minuto hanggang isang oras.

Maraming beses aniyang in-edit ng pangulo ang talumpati kung kayat mula sa kabuuang 28, umabot na lamang ito sa 19 pahina.