Heart Evangelista, nilinaw na wala siyang balak tumakbo bilang pulitiko

By Angellic Jordan July 21, 2019 - 05:57 PM

Photo grab from Heart Evangelista’s Instagram account

Nilinaw ng aktres at fashion icon na si Heart Evangelista na walang siyang intensyon na tumakbong pulitiko.

Kumakalat kasi sa Instagram ang mga larawan ni Heart kung saan binibisita nito ang ilang ospital at pampublikong pamilihan sa Sorsogon kung saan gobernador ang kaniyang asawa na si Chiz Escudero.

Noong Biyernes, July 19, nag-post si Heart ng larawan kung saan magkasama sila ni Chiz.

Ibinahagi ni Heart sa caption ng larawan na tinatalakay nila ang plano umano para sa hinaharap.

Isang follower ni Heart ang nagtanong kung may balak tumakbo bilang pulitiko ang aktres.

Sagot ni Heart, wala siyang balak tumakbo dahil hindi aniya niya kailangan ng kapangyarihan para tumulong.

TAGS: heart Evangelista, Pulitika, heart Evangelista, Pulitika

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.