British Airways, Lufthansa sinuspinde ang flights pa-Cairo

Inanunsyo ng British Airways at Lufthansa na sinususpende na nila ang mga flights papuntang Cairo dahil sa isyu ng kaligtasan at seguridad.

Pansamantalang ititigil ng British Airways ang flights nila papunta sa capital ng Egypt ng isang linggo.

Sa German airline naman na Lufthansa, ibabalik na sa araw ng Linggo ang normal na operasyon.

Ipinadala ng dalawang kumpanya ang kanilang mga pahayag ng pagkansela ngunit hindi nilinaw kung bakit pansamantalang itinigil ang mga naturang flights.

Naganap ang nasabing suspensyon matapos ang insidente sa pagitan ng Iran at ng isang British-oil tanker sa Strait of Hormuz.