Pacquiao kasamang dumating si Miss Universe Catriona Gray sa MGM Grand

Magkakasabay lumakad si boxing champion Manny “Pacman” Pacquiao kasama si Miss Universe 2018 Catriona Gray papasok sa MGM Grand sa Las Vegas.

Kasama rin ng Pambansang Kamao ang kaniyang may bahay na si Jinkee Pacquiao.

Nakasuot naman ng pink na damit ang ika-apat na Pilipina na nakapag-uwi ng Miss Universe crown.

Magaganap ang laban ni Pacquiao laban kay undefeated Keith Thurman para sa welterweight title.