Binawian ng buhay ang isang 66 anyos na Pilipinong lalaki habang nasa pilgrimage sa Mecca.
Kinilala ang nasawi na si Enting Tungao Kamensa, Maguindanaon mula sa Datu Piang sa Sheikh Muslimin Limba.
Nawalan ng malay sa loob ng Masjidil Haraam si Kamensa bandang alas 3:30 ng hapon (oras sa Saudi Arabia) at agad na isinugod sa ospital ngunit hindi na narevive ng mga doktor.
Ayon kay National Commission on Muslim Filipinos (NCMF) Medical Team Head Dr. Abdulnasser Masorong Jr., suspetya nila na myocardial infarction o atake sa puso ang kinamatay ng Pinoy.
Kasalukuyang nasa King Faisal Hospital ang labi nito habang pinoproseso ang mga papeles.
Si Kamensa ang ikalawang Pilipino na pumanaw habang pilgrimage ngayong 2019.