Bagong silang na sanggol, inabandona sa isang basurahan sa Negros, Oriental

Nakakabit pa ang umbilical cord ng isang bagong silang na sanggol nang matagpuan ito ng isang basurero sa Tavera Street sa lungsod ng Bais sa lalawigan ng Negros Oriental nitong Huwebes ng umaga sa isang basurahan.

Noong una ay inakala ng nasabing basurero na wala ng buhay ang sanggol pero sa paglapit niya ay inimulat naman ng sanggol ang mga nito.

Ayon sa mga pagsusuri, maputla man ay malusog naman ang sanggol na hinihinalang bunga ng unwanted pregnancy.

Agad na dinala ang sanggol sa Bais District Hospital.

Kasalukuyan paring pinaghahanap ng mga otoridad ang ina ng sanggol habang mahaharap naman sa kasong kriminal ang sinomang responsable sa nangyaring insidente.