P13.6M halaga ng shabu nakuha sa 19 anyos na lalaki sa Cebu City
Arestado ang isang 19 anyos na lalaki matapos itong makuhanan ng P13.6 milyon halaga ng shabu sa buy bust operation sa Barangay Cogon Ramos sa Cebu City Biyernes ng gabi.
Ayon kay Police Lt. Col. Glenn Mayam, Police Drug Enforcement Group Visayas (PDEG Visayas) chief, ang suspek ay nakilalang si Rico Rubi.
Nakumpiska kay Rubi ang 1 kilo ng shabu na ibinenta nito sa undercover na pulis.
Pagka-aresto sa suspek ay nakuhanan din ito ng 1 pang kilo ng shabu.
Ayon sa Dangerous Drugs Board, ang 2 kilo ng shabu ay nagkakahalaga ng P13.6 milyon.
Dalawang buwan na minonitor ng otoridad ang mga ilegal na aktibidad ng suspek na nakatira sa Lopez Street sa Barangay Labangon, Cebu City bago isinagawa ng operasyon.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.