22 arestado sa pamemeke ng dokumentro sa Maynila

By Rhommel Balasbas July 19, 2019 - 04:39 AM

NCRPO PIO photo

Dalawampu’t dalawa katao ang naaresto matapos lusubin ng pulisya ang mga shops na gumagawa ng pekeng mga dokumento sa kahabaan ng Rizal Avenue, Maynila araw ng Huwebes.

Ayon kay National Capital Region Police Ofice director Maj. Gen. Guillermo Eleazar, ang mga natimbog ay sangkot sa pag-iimprenta at distribusyon ng pekeng public documents.

Sinabi ni Eleazar na katumbas ng ‘economic sabotage’ ang masamang gawain ng mga naaresto.

Pinagkukunan din anya ng pekeng school credentials at college diplomas ang nasabing shops.

NCRPO PIO photo

Ayon kay NCRPO Special Operations Unit chief Lt. Col. Rogarth Campo ang magkakasunod na raid na isinagawa kahapon ay sa bisa ng search warrants na inilabas ng tatlong Manila judges.

Maliban naman sa mga pekeng dokumento, nasamsam din ang pekeng mga identification cards, computers at dry seal stamps.

Ipinag-utos ni Eleazar ang pagsasampa ng kaukulang kaso laban sa 22 naaresto.

 

TAGS: 22 arestado, computer, credential, diploma, dry seal, economic sabotage, id, Maynila, NCRPO, pekeng dokumento, shop, 22 arestado, computer, credential, diploma, dry seal, economic sabotage, id, Maynila, NCRPO, pekeng dokumento, shop

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.