3 hinihinalang akyat-bahay patay sa engkwentro sa Quezon City

Nasawi ang tatlong hinihinalang akyat-bahay matapos makaengkwentro ang mga pulis sa Novaliches, Quezon City.

Ayon sa QCPD Station 4, nakatanggap sila ng sumbong mula sa isang concerned citizen tungkol sa mga kahina-hinalang tao sa Brgy. Nagkaisang Nayon.

Agad na pinuntahan ng mga pulis ang lugar ngunit hindi naabutan ang sinasabing mga personalidad.

Makalipas ang isang oras, muling nakatanggap ng sumbong ang mga pulis at inikutan na ang lugar.

Namataan na ang mga lalaki at dadalhin sana sa istasyon ng pulis ngunit nagpaputok ang mga ito ng baril dahilan para mapilitang gumanti ang mga pulis.

Nakuha mula sa pinangyarihan ng engkwentro ang tatlong baril at isang backpack.