2 patay sa Cagayan dahil sa bagyong Falcon

Patay ang dalawang katao sa lalawigan ng Cagayan dahil sa pananalasa ng bagyong Falcon.

Ayon kay Atanacio Macalan, pinuno ng Cagayan Provincial Disaster Risk Reduction and Management Office, kapwa nalunod sa magkahiwalay na insidente ang dalawa.

Ang mga nasawi ay residente ng Abulug at Gattaran.

Ayon sa PDRRMO, siyam na lansangan at tatlong tulay sa Cagayan ang nananatiling hindi madaanan.