Hinagupit ng malalakas na alon dahil sa bagyong Falcon ang sinasakyang bangka ng mga mangingisdang sina Nestor Coralil, 55 anyos; Albert Saluta, 38 anyos; Roy Contreras, Roy Aulagan, 37 anyos; Ronnie Ababon, 31 anyos; Joseph Mapalo, 30 anyos; at Noel Angub, 55 anyos.
Si Angub ang may-ari ng hindi rehistradong motorboat.
Ayon kay Seaman First Gil Angelo Cabading ng Coast Guard sa Maasin City umalis ang mga mangingisda sa Barangay San Juan, Surigao City alas 2:00 ng madaling araw ng Miyerkules (July 17).
Pero dakong alas 4:00 ng madaling araw ay napadpad sa Limawasa ang bangka dahil sa malakas na alon at hangin.
Lumubog ang bangka pero nagawa ng mangingisda na kumapit sa mga container na walang laman.