Lider ng minorya dapat manggaling sa oposisyon ayon sa Makabayan bloc sa Kamara

Iginiit ng Makabayan bloc sa Kamara na dapat manggaling sa oposisyon ang magiging minority floor leader.

Ayon kay Bayan Muna Rep. Carlos Isagani Zarate hindi dapat kakampi ng Malakanyang ang magiging lider ng minorya sa Kamara.

Paliwanag ng mambabatas, ang sistema ng check and balances sa pamahalaan ay dapay nagmumula sa mga fiscalizers sa Kamara.

Hindi naman anya maaring ang minority leader ay pangunahing tagapag-taguyod din ng agenda ng administration.

Idinagdag nito na maraming batas ang gagawin na kailangang pagdebatehang mabuti kaya mainam na dapat sa oposisyon magmula ang minority leader.