Red warning itinaas ng PAGASA sa Zambales dahil sa patuloy na pag-ulan
Bunsod ng nararanasang malakas at tuluy-tuloy na malakas na buhos ng ulan, itinaas na ng PAGASA ang red warning sa lalawigan ng Zambales.
Ito ay base sa ipinalabas na heavy rainfall warning ng PAGASA alas 6:00 ng umaga ng Miyerkules, July 17.
Ayon sa PAGASA ang nararanasang tuluy-tuloy na malakas na buhos ng ulan sa Zambales ay magdudulot ng pagbaha sa mga flood-prone areas.
Orange warning naman ang nakataas sa lalawigan ng Bataan, habang yellow warning ang nakataas sa Cavite at Batangas.
Light hanggang moderate na pag-ulan naman ang nararanasan sa Metro Manila, Tarlac, Nueva Ecija, Pampanga, Bulacan, Laguna, Rizal at Quezon.
Pinapayuhan ang publiko na mag-antabay sa mga ipinapalabas na rainfall warning ng PAGASA.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.