Nakakuha ang HBO ng 137 nominations, 32 sa mga ito ay para sa three-time best drama series winner na “Game of Thrones” na nagkaroon ng final season noong Mayo.
Nominado rin ang mga lead actors ng “Game of Thrones’” na sina Kit Harington at Emilia Clarke.
Ang 32 nominations ng naturang TV series ay isang record-high para sa drama program sa isang taon lamang.
Sumunod ang Netflix na may 117 nominations sa pangunguna ng racial justice drama na “When They See Us” at ang comedy show na “Russian Doll.”
Matapos ang anunsyo araw ng Martes ay nakatakda sa September 22 ang Emmy Awards na gaganapin sa Los Angeles.