Dating VP Jejomar Binay nagsampa ng electoral protest

By Angellic Jordan July 16, 2019 - 04:18 PM

Inquirer file photo

Naghain si dating Vice President Jejomar Binay ng election protest laban kay Makati Rep. Kid Peña ukol sa resulta ng 2019 midterm elections.

Sa pitumpung-pahinang electoral protest, hiniling ni Binay sa House of Representatives Electoral Tribunal (HRET) na magsagawa ng manual recount ng mga balota sa 235 clustered precincts sa Makati City.

Nakapaloob sa electoral protest na nasa 9,060 boto ang umano’y ‘disenfranchised’ para maging ‘misread votes.’

Nakasaad din na layon nitong ilabas ang katotohanan para sa mga residente ng lungsod ng Makati.

Iginiit pa nito na madedetermina ang mahahalal na lider batay sa dami ng ibibigay na boto ng taumbayan at hindi sa dami ng aberya ng vote counting machines (VCMs).

Nanalo si Peña kay Binay nang anim na libong boto.

Wala pa namang inilalabas na pahayag si Peña sa inihaing election protest ni Biñay.

TAGS: binay, Congress, kid peña, protest, VCM, binay, Congress, kid peña, protest, VCM

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.

Your subscription could not be saved. Please try again.
Your subscription has been successful.

Subscribe to our newsletter!

By providing an email address. I agree to the Terms of Use and acknowledge that I have read the Privacy Policy.