18 menor de edad nasagip sa Sampaloc, Maynila

By Dona Dominguez-Cargullo July 16, 2019 - 06:23 AM

Labingwalong mga batang palaboy ang nasagip ng mga otoridad sa lansangan sa Sampaloc, Maynila.

Ayon kay Police Capt. Edwin Fuggan, commander ng Lacson Police Community Precinct, nagsagawa sila ng operasyon sa simula Lunes (July 15) ng gabi sa mga lansangan sa Sampaloc kabilang ang España Boulevard at Tuazon St.

Sa isinagawang pag-iikot, nasagip nila ang 10 lalaki at 8 babae na pawang edad 9 hanggang 16.

Naaktuhan pa ang apat sa mga ito na gumagamit ng solvent habang ang iba pa ay mga nakatambay lang sa kalsada.

Ayon kay Fuggan, madalas ireklamo sa barangay ang mga batang snatcher at nag-iinuman sa kalsada.

Madalas din aniyang nagagamit ang mga kabataan ng mga sindikato para gumawa ng krimen at ang iba ay nabibiktima pa ng human trafficking.

Ibibigay sa pangangalaga ng Department of Social Welfare and Development (DSWD) ang mga batang nasagip.

TAGS: dswd, manila, minors, Rescued minors, Sampaloc, dswd, manila, minors, Rescued minors, Sampaloc

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.

Your subscription could not be saved. Please try again.
Your subscription has been successful.

Subscribe to our newsletter!

By providing an email address. I agree to the Terms of Use and acknowledge that I have read the Privacy Policy.