LOOK: Pangulong Duterte bumisita sa Indanan, Sulu
Binisita ni Pangulong Rodrigo Duterte ang Camp Bud Datu sa Indanan, Sulu, araw ng Lunes.
Magugunitang inatake ng suicide bombers ang military base noong June 28 na ikinasawi ng walo katao kabilang ang tatlong sundalo.
Kasama ng pangulo sa kanyang pagbisita sina Senator Christopher Lawrence “Bong” Go, Presidential Adviser on the Peace Process Carlito Galvez Jr., Defense Secretary Delfin Lorenzana, at Presidential Adviser for Military Affairs Arthur Tabaquero.
Nagkita rin ang presidente at ang aktor na si Robin Padilla sa Jolo Airport.
Dahil sa pagbisita sa Indanan ay hindi natuloy ang nakatakdang pagharap kay Duterte ng 65 na empleyado ng Bureau of Customs (BOC) na sinibak dahil sa isyu ng korupsyon.
Ayon kay Go, sa Huwebes na magaganap ang pulong ng presidente at ng BOC employees.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.