Kabilang sa MPSO ang lahat ng unit ng ahensya na may responsibilidad sa paghahanda at pagresponde tuwing panahon ng kalamidad o sakuna.
Ayon kay MMDA chairman Danilo Lim, mandato nito na bumuo at pagpatupad ng mga polisiya para sa kaligtasan ng publiko.
Pangungunahin din nito ang implementasyon ng mga contingency plan para sa rehabilitasyon at relief operations katuwang ang iba’t ibang ahensya ng gobyerno.
Narito ang mga sangay ng MPSO:
– Public Safety Division
– Road Emergency Group
– Metro Manila Emergency Volunteer Corps
– Metro Manila Crisis Monitoring and Management Center
– Rescue Battalion Headquarters and Disaster Preparedness Training Center
Pamumunuan ang MPSO ni Michael Salalima mula sa Disaster Risk Reduction Management ng MMDA.