12 sakay ng lumubog na bangka sa Southern Leyte, patuloy na hinahanap
Patuloy ang search and rescue operations para sa 12 kataong sakay ng lumubog na bangka sa karagatang sakop ng Southern Leyte, araw ng Lunes (July 15).
Ayon kay Sergeant Jerf Alvarez mula sa Philippine Coast Guard (PCG) sa Maasin, rumesponde na ang kanilang mga tauhan sa lugar kasama ang pulisya at ilang opisyal sa pamahalaang lokal ng Limasawa.
Napaulat na isang hindi pa nakikilalang pari ang kabilang sa mga pasahero ng bangka.
Patungo sana ang bangka sa bayan ng Limasawa mula sa Padre Burgos nang lumubog ito dahil sa malakas na alon at ulan dulot ng Tropical Depression Falcon.
Sa ngayon, inaalam pa kung mayroong nasawi sa insidente.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.