Klase sa dalawang paaralan sa Zamboanga City sinuspinde dahil sa pagdami ng lamok

Dalawang araw nang suspendido ang klase sa dalawang paaralan sa Zamboanga City kasunod ng pagdami ng lamok sa lugar.

Kinansela ang pasok sa Zamboanga City High School at sa Immaculate Conception Archdiocesan School sa Barangay Tetuan para isailalim sa fumigation ang mga silid aralan maging ang paligid nito dahil sa pagdami ng lamok.

Ayon kay City health officer Dulce Miravite, maaaring galing ang mga lamok sa drainage system kasunod ng pagbaha na naranasan noong lunes.

Kumuha na ng sample ng lamok para masuri at matiyak kung nagdadala ng dengue ang mga ito.