Makilala, North Cotabato patuloy na nakararanas ng aftershocks

By: Dona Dominguez-Cargullo - 5 years ago

Patuloy na nakararanas ng aftershocks sa Makilala, North Cotabato matapos ang tumamang magnitude 5.6 na lindol doon.

Sa datos ng Phivolcs, alas 6:48 ng umaga ngayong araw ng Biyernes, July 12, nakaranas ng magnitude 3.3 na lindol sa bayan ng Makilala.

May lalim itong 11 kilometers at tectonic ang origin.

Naitala ang sentro ng pagyaniig sa 16 kilometers southwest ng Makilala.

Naitala naman ang Instrumental Intensity III sa Kidapawan City bunsod ng nasabing pagyanig.