LPA sa labas ng bansa binabantayan ng PAGASA; posibleng maging bagyo sa susunod na mga araw

Isang Low Pressure Area ang binabantayan ng PAGASA sa labas ng bansa.

Ayon sa PAGASA ang LPA ay huling namataan sa layong 2,275 kilometers east ng HInatuan, Surigao del Sur.

Sa Linggo o Lunes ay inaasahang papasok sa bansa ang LPA at malaki ang posibilidad na ito ay magiging isang ganap na bagyo.

Ang trough o extension ng nasabing LPA ay magpapaulan sa buong Mindanao at sa Eastern Visayas.

Babala ng PAGASA ang malalakas na pag-ulang mararanasan ay maaring magdulot ng pagbaha at landslides.

Apektado naman ng Southwest Monsoon o habagat ang extreme northern Luzon.

Habang ang Metro Manila at nalalabi pang bahagi ng bansa, localized thunderstorms lamang ang iiral.