Bus nasunog sa Caloocan

Tinupok ng apoy ang isang pampasaherong bus sa EDSA sa bahagi ng Bagong Barrio, Caloocan City Huwebes ng hapon.

Ayon sa otoridad, binabagtas ng AC Trans bus na may plakang TXY 780 ang EDSA south-bound nang ito ay masunog.

Nakababa naman ang lahat ng sakay ng bus bago ito nasunog pero dalawa ang napaulat na nasugatan.

Matapos maapula ang apoy ay tinow ang naturang bus.

Nagdulot naman ng matinding trapik ang insidente.

Iniimbestigahan ng otoridad kung bakit nasunog ang bus.